Sagaing Khin Oo peng Ayetharya khua inn 3 le dawr pakhat cu ralkap pawlin November 14 zinglam suimilam 11:00 hrawngah an siatsuah ih dawr sungah retmi a hlu peknak bawm sungih tangka le thilri ting 2 lenglo man an laksak thu tualsungmi pawlin an sim.
“Dawr sungih thilri an lakmi hi ting 2 lenglo man hrawng a si, a hlu peknak bawm sungih tangka cu ziangzat an la timi kan thei lo, mipi pawlin an sian zat an pekmi a siih, ziangzat a um timi khal kan thei lo, ralkap pawl hi khawsung lut khal an si lo, khawpawn deuh ih inn pawl an cilmi a si, inn 3 le dawr pakhat an si” tiah tualsungmi pakhat in simnak a nei.
Hi ralkap pawl cu Khin Oo peng sungih khua pawl an feh vivo ih Tegonegyi khua ih inn pakhat khal an urkang tiah tualsungmi pawlin an sim.
