Chin ramkulh saklam Thantlang khawpi ah SAC hriamkai pawl cun September 18 ih hriamhreipi an kah ruangah inn 10 lenglo a kangral tiah The Hakha Times in a tarlang.
”Ralkap pawl cu khawsung inn pawl ah an lut ih thilri le tangka tampi an la, cuihnuah hriamhreipi an kap, an hriamhreipi kah thawmvang a ring tukih kan thir dukdi thei, cuihnu reilote ah Bangla veng ah inn a kang, a kiangkap inn pawl a kah ih inn 10 lenglo a ciam zo” tiah Thantlang khuami pakhat in The Hakha Times ah a sim.
September 18 zaanlam suimilam 3:30 hrawngih Thantlang khawpi inn kangmi thuhla ah meithat motor cu tualsungmi pawlin an ko na’n meithat zung ih um sungkha pakhat meithal cerek in a ngah ruangah innkang mit dingin an feh theilo tiah The Hakha Times in a tarlang.
September 9 zaanlam ih Thantlang khawpi ah SAC hriamkai le CDF – Thantlang kahawknak khalah SAC hriamkai pawlih meithal kahnak ruangah tualsungmi minung 4 in hriamhma an ngah ih, hriamhreipi an kahnak ruangah inn pakhat a siat tiah Khit Thit Media in a tarlang.
