Yangon khawpi ih ralkap neihmi Kantharya siizung ih hnațuantu minung 35 in Covid – 19 nathrik an nei tiah siizung hnațuantu pawlih simnak vekin theih a si.
Kantharya siizung ah hnațuantu minung 200 hrawng an um ih, Covid – 19 nathrik tuartu pawl hi Nurse department, accountant department, reception department, emergency department le sii dawr ih hnațuantu pawl an si thu theih a si.
July thlathok ah siizung hnațuantu pawl hmuak/thlah motor mawngtu mi 2 cu Covid – 19 center ihsin nathrik an kai ih, neta lam ahcun a sonmi a tam vivo tiah an sim.
Kantharya siizung cu ralkap hrangih tangka hawltu U Paing tiih mipi theihlar MEHL ih neihmi a si. Siizung ahhin Covid – 19 dam lo tuamhlawmmi minung 200 lenglo an um ih, a leng ihsin zo awtu nitin mi 70 an kim ringring tiah theih a si.
Yangon ramțhen Hlaing peng ih ummi dot 8 sang Kantharya siizung cu 2017 December 26 ah onnak an rak nei ih, Min Aung Hlaing in a telpi tiah theih a si.
