Ralkap Le Pyo Saw Htay In Pouh Khua An Cil Ih Thilri Tampi An La

Mague ramțhen Pouh peng Kyautka khua cu July 30 ah ralkap le Pyo Saw Htay pawlin khawsung thilri an long ciamco tiah theih a si.

Khuami pakhat in “khawsung an lut ih inn ih thilri pawl an siatsuah, motor le bike pawl an la, dawr pakhat ah tangka ting 23 man hrawng an la” tiah simnak a nei.

Cuihleiah ralkap pawl cu khawsung ah meithal an kap ciamco ruangah harhdamnak tha lo zet mi pakhat cu a lungphang tukin an thih phah tiah a sim bet.

“Thihnak tongtu hi Daw Nuh tiah an ral, kum 70 hrawng a si, Oxygen pek țul ih um a si, meithal kah thawmvang a thei ih a thlaphang ah a nunnak a cem” tiah khuami pakhat in a sim.

Pouh peng Kyautka khua cu ralkap in vuanchung khua an urnak lamzin parih um a si thu theih a si.

Leave a Reply

Your email address will not be published.