Karenni ramkulh Demoso peng Dawphusii khua phungki tlawng ih hmunkhuartu ralkap pawl le KNDF battallion 9 cu November 23 zinglam suimilam 6:50 hrawngah an kap aw ih ralkap 2 an thi tiah KNDF – B09 cun thuthannak an nei.
Ralkap lam cu hriamhreipi thawn khal doawknak an bawm aw rero tiah KNDF – B09 cun an sim. Mipi dinhmun in doawknak kiangkap ah sukso lo ding khalin KNDF – B09 cun ralrinnak an pe sal.
November 22 khalah Demoso peng Sanpiah 6 mile le Dawphusii khua ah ralkap pawl le Karenni ralkap KA, KNDF cu țum 3 an kap aw ih ralkap 2 an thi, Karenni ralkap lam ihsin mi pakhat hriamhma a ngah tiah KNDF cun thuthannak an nei.
