Sagaing ramțhen Kanbalu peng ပုဏ္ဏားကြီး khua cu October 10 ah ralkap pawlin an cil ih inn ih hmanmi thilri pawl an siatsuah hleiah mi pakhat cu an hrem ciamco ih tangka ting 10 le phone 2 an laksak thu tualsungmi pawlin an sim.
“Khawsung mi pakhat cu nisa lakah an ret ih an thawi ciamco, inn 4 an cil ih hmanmi thilripawl an siatsuah thluh, khawsung mi pawlih phone 2 le an thaei ciamcomi hnen ihsin tangka ting 10 le thilri dangdang an laksak, hmuk pawl khal an eisak, khawsung mi pawl cu kan tlan, khawsung ah a tanglaimi an um men thei” tiah khua suahsantu mi pakhat in a sim.
Hi ralkap pawl cu ချပ်သင်းတိုက်နယ် ah hmun an khuar ih nitinten khua pawl ah an lut ih khawsung ih thilri pawl an long. A bur ih an feh khawm lai tivek khal inn sung ihsin lengsuak ih zohtu pawl cu kan lo kap tiah tiah an hringhro țheu tiah tualsungmi pawlin an sim.
