Sagaing ramțhen Ayadaw peng Vawdan khua ah October 9 ahcun ralkap pawlin NLD chairman Ko Min Naing Oo kai dingin a inn ah an hawl ih an hmuh lo ruangah khawsung inn 6 ih thilri pawl an siatsuah hleiah Fang, siti pawl an la tiah tualsungmi pawlin an sim.
“Ka inn cu Vawdan khua ih dalan pawlih kawhnak ruangah ralkap pawl an ra thlengih inn pakhat cu lak ding um nawn lo rori in an siatsuah, hmundng inn ih retmi Fang le siti pawl khal a zaten a la thluh, ekinn sungih boțhaing ihsin thok bizu, thuamhnaw sawpnak cet, air cooler, TV, ပရိဘောဂ၊ kuva dawr, lakphak dawr ih hmanmi thilri zaten an siahsuah thluh, midang inn 5 ih thilri pawl khal an siatsuah” tiah Ko Min Naing Oo in simnak a nei.
Hi ralkap pawl cun khawsung ih PSI salawng, hmuan darnak pawl an siahsuah ciamco ih hrong suang in an au ciamco ruangah khawsung mi pawl cu himnak hawlin khua an suahsan tiah theih a si.
