Ralkap Council Thawn Thurel Tlang Ding Kan Si Lo : KA General

Atu dinhmun ah ralkap council thawn thurel tlang ding kan si lo tiah Kareni Army hotu General Saw Be Htoo cun October 9 ah simnak a nei.

Karenni Army hmunram ah Kareni Army țum 71-nak training țheh puai an tuahnak ah General Saw Be Htoo cun a thusimnak ah a sim cihmi a si.

Atu caan ahhin Kareni ramkulh sungah ralkap council ih doawknak a tuahmi cu Kareni ralkap a simi Kareni Army (KA), Kareni National Defense Force (KNDF) le tualsung hriamkai pawl komkhawm in an do leh rero.

Min Aung Hlaing ih hruaimi ralkap council cun dik lo zetih rampi thuneihnak an lak hnu Kareni ramkulh sungah ralkap council hriamkai le Kareni ramkulh ralkap karlak țum 80 lenglo kahawknak a suak ih ralkap council hriamkai pawlin meithal kahnak ruangah tualsung mipi umnak inn pawl a siat hleiah tualsung mipi tingkhat le hrek kiangkap cu ralțih ah relh rero ih khua an sak tiah theih a si.

Leave a Reply

Your email address will not be published.