Ralkap council ih ramri tlangbawi Lt. General Htun Htun Nawng cun Kachin ramkulh Putao khawpi a tlawnnak ah DVB, VOA, BBC pawlih thlahmi thuthang zoh lo dingin tualsung mipi pawl hnenah a sim thu Putao khawpi ih um mi pakhat in a sim.
October 3 ih Putao khawpi thlengtu Lt. General Htun Htun Nawng cun Nawng-mon, Machanbaw, Khawnglanphu le Pannanndin khawpi ih umtu mipi pawl hnenah a simmi a si.
Lt. General Htun Htun Nawng cu khawpi pakhat hnu pakhat a fehnak hmun ah DVB, VOA le BBC pawlih thlahmi thuthang cu thuhla dik lo an siih zum hlah uh tiah a sim vivo thu tualsungmi pakhat cun simnak a nei.
Putao, Machanbaw, Makuizah, Nawngmon, Khawnglanphu, Pannanndin pawlih ummi lilawn pawl zohfelnak a nei ih khuanu khuapa pawl, pituhsit pawl tong ih pituhsit training kaitu pawl thapeknak khal a nei tiah ralkap battallion 46 naivai mi pakhat in a sim.
Putao khawpi feh dingah Senior General Min Aung Hlaing cun țum tampi a timtuah ko na’n tikcu a dai tuk timi puhmawh in țumhnih a țhulh ih a aiawh ah ramri tlangbawi a kuat thu theih a si.
