Ralkap council ih Lottery hnațuannak cu țhiatbal a si thu NUG ih Project, Finance & Investment tlangbawi zung in August 21 zaan ah thusuahnak an nei.
Lottery cu țhiatbal a si zo ruangah Lottery zuarnak dawr tumpi pawl dinhmun in Lottery ticket pawl leinak, zuarnak, thehdarhnak lam tuah nawn lo dingah ralrinnak an pe cih.
NUG ih casuahmi sungah Casino Law a țumkhatnak remmi daan cu August 6 ah ramdinkhawm daan 5-nak thawn nemhnget zo a si timi a tel. Cui daan remmi ih pukmah 2(J) ahcun Lottery timi cu NUG ih Project, Finance & Investment tlangbawi zung ih ramsung siah peknak pawl zung ih onmi အောင်လံလွင့်ချီ နွေဦးထီ timi lawng a sim duh thu an tarlang.
Thusuak tuahmi ih khammi palbaltu Lottery hnațuan neitu pawl cu daan vekih thubuai tuahsak dingah NUG ih Ministry Of Home Affairs le Ministry Of Immigration thawn relkhawm in hnațuan dinga si thu ralrin peknak an nei.
