Sagaing ramṭhen ဖောင်းပြင် pengah tualsung hriamkai PDF pawlin kan dung January 22 sun ni khat sung lawng ah khan Palik sakhan pahnih an siim ih palik bawi (စခန်းမှူး) telin palik 8 an nunglai in an rak kai. Hivekin tualsung hriamkai PDF pawlin an siim mi palik sakhan cu ဖောင်းပြင် peng မိုင်းချောင်း palik sakhan le ရေအောက်တောင်း palik sakhan an si.
Simlam nazi 3 hrawng ihsin an siim thawkih Palik ralthuam meithal pawl an va laksak ngah thei.
Palik sakhan pahnih ihsin an laksak ngahmi meithal pawl cu G3 7, Uzi 2, Shotgun 1, zun 6 puak thei pistol 1, 5.56 cerek 225, 7.62 cerek 1210, 9mm cerek 509, Shotgun cerek 2, Cerek bawm 16, telephone 12, Laptop computer 2, biakawknak cet 2, inverter 1, Kut ṭawnnak chain 5, namsau 1, tangka 2,125,000 le Kawr zun khat tipawl an laksak ngah thu NUG ih neihmi PTV cun an tarlang.
