Puitling Film chang thin tu pakhat Lana Rhoades (kum 25) chuan Industry bawlhhlawh taka a cham chhunga a harsatna tawh te sawichhuak in eng anga tam pawisa hlawh tur chhawpchhuah sak pawh nise kir leh a tum tawh loh thu a sawi.
Lana Rhoades hian Industry bawlhhlawh leh tuihnai lo taka hun hmang a, a cham chhung khan thil tam tak a paltlang thu a sawi a, Daily Star hnena a hrilh danin a nun a hman dan chu chhuilet tlak loh a nih thu a sawi bawk.
An Scene chan thenkhat te chu rapthlak tak tak a ni a ti a, hei hian rilru hrehawmna leh natna a thlen phah thin niin a sawi bawk. “He Industry a luh chuan hetiang thil hi chu ka ti lo ang ti mah la i thei lo ang. Agent lam ten thiam takin an bia ang che ang a, hei hi mitam zawk in an ngaina ani. Tumah tihhnual i duh silo ang a, a tawp ah chuan ti lo theilo dinhmun ah dintir i ni ang” a ti.
Industry a cham chhung a ngaihtuah in depression leh mahni intihhlum chakna hial a neih phah thin tih thleng in a sawi a, a hmeichhiatpui dangte chu he Industry bawlhhlawh taka lut ve lo tur hian a chah zui bawk.
Lana hi a hming tak Amara Maple niin Chicago lam chhuak a nia. Puitling film industry a zuan luh hma hian stríppèr leh hostess in a thawk thin. A tleirawl chhuah ah puitling industry lama zuan luh a chak a, mahse a luhchilh meuh chuan ral khata a landan ang ngawt a nih loh zia a hrechiang hle.
“Hmeichhe dang te tan he Industry a lut tur hian ka duh pui lo. Keimah ngeiin ka lo paltlang tawh atang in hmeichhia mai bakah mipa tan pawh ani. Chu ai chuan Instagram emaw OnlyFans pawh a tha zawk. Mahse mi tu pawhin a duhzawng a tih a thiang a, hemi ah kher chuan thutlukna dik tak an siam in ka ring lo” tiin a sawi.
Puitling film chan a ban san hnu hian Social Media lam sum lakluh nan a hmang tangkai hle a, Instagram leh OnlyFans account te neiin podcaster hlawhtling tak ani bawk. Instagram ah zuitu 16.7million followers zet a nei tling tawh a, puitling film chan a bansan hnu hian multimillionaire a nih tawh thu a sawi bawk.
