Plastic surgery hi mawina leh nalhna atan ringawt hman a ni tawh lo. Misual te pawh in man an tawh loh na turin an lo hmang tangkai hle tih hriatchhuah ani.
Malaysia ram Kelantan a mi Police in an zawn lai mek hmeichhe 8 te chuan man an nih lohna turin Plastic Surgery in an hmel landan an thlak danglam a, kum 17 chhung Police lakah hian an tlanchhe tawh.
Heng hmeichhia te hian pawi pakhat mai nilo a hrang hrang an khawih vang ten thubuai nei an ni a. Tualthah, inrawk leh rukruk ah te an inhnamhnawih thu tualchhung media The Rakyat Post chuan a tarlang ani.
Kelantan Police Chief Datuk Shafien Mamat in misual te hi Kelantan chhehvel khawi lai hmun ah emaw an biru mek a rin anih thu a sawi a, Police ten chhui a an man theih loh nan an awmna hmun hi an insawn tih a sawi bawk.
Tarlan danin misual zawnlai te hian an hmel landan piah lamah an nihna te thlak in an hming pawh an tihdanglam thu hriat ani. Kum tam tak Clinic hrang hrang ah investigation an neih atang in Police te chuan misual bibo mek te hmel landan thar hi an hmuchhuak ani.
Police te hian an chhungte hnen a an chanchin an zawh chuan rei tak chhung an inbiakpawh tawh loh thu leh an chanchin reng an hre tawh lo tih an hrilh a. Kelantan Police Chief Datuk Shafien Mamat chuan thuthar lakhawm tu te hnen ah misual te hi engtiang pawh in man ngei an tum thu hrilh in chhuizui mek reng a ni tih a sawi.
