Chak leh ngainat zawng te hi a in ang vek thin lo a, Playboy model hmeichhe pakhat chuan in mahni a professional football team neih a duh vangin club a lei ngei theih nan sum hmuhdan kawng a ngaihtuah.
Daniella Chavez hian tangkai tak leh tum nei ru ran chungin OnlyFans page chu sum thawhchhuah nan a hmang a, a club/team ngaihsan em em Chilean club O’Higgins F.C a lei theih nan a intuak mek a ni.
Vice in a tarlan dan in O’Higgins F.C. inghahna hi Daniella Chavez te chenna Rancagua ah a ni a, team hlutna hi $20 million vel a ni a, Daniella Chavez chuan chawlhkar reilo te chhungin $8 million lai a tam OnlyFans hmang hian a thawkchhuak der tawh.
Twitter Page ah OnlyFans kaltlanga a hlawhchhuah hi a tarlang bawk. Chilean radio station ADN te hnen ah Football team hi a lei thei a nih ngat chuan a hma aia tha zawk leh chak zawk in a thuam ang a, team tha ber a nih pui tur thu a sawi a ni.
Amaherawh chu Club lam in thuchhuah an siam ah Chavez lakah indawrna neihpui an tum lo tih an puang. Chavez chuan Club in thuchhuah an neih hnu lawk hian hmeichhia a nih vang leh a sum thawhchhuah dan avang in an hnawl niin a sawi thung.
O’Higgins hi tunah hian Chilean businessman Ricardo Abumohor in neitu nihna a chelh mek. Club a lei theih na tura a hmalakna ah hian Daniella Chavez hi mi pakhat chu a ni ve hrim hrim. O’Higgins FC lei a tum hma hian 2020 a Chilean Rancagua Sur Sports Club ah alo invest tawh bawk.
