Reality star, Kim Kardashian leh SNL star, Pete Davidson te chu tluang tak leh uluk tak in an inkawp chho mek a, Pete Davidson nen an inkawp avang hian Kim K leh Ariana Grande te inkar a nghawng phah hran lo.
Kim Kardashian leh Ariana Grande te inkar fans in an ngaihven chhan pawh tuna Kim K bialpa Pete Davidson hi Ariana kawppui thin leh inhualna hial alo neipui tawh a ni. Hei hi fans te chuan hre ru karin Kim K leh Ariana te hi an bengkhawn zual phah ani.
Mahsela Kim Kardashian chuan Ariana Grande nen inhuatna an neilo tih tarlang in, a Instagram ah Ariana hnen atang a a dawn R.E.M. makeup brand chu a post a, a chungah lawmthu a hrilh bawk.
Pete Davidson nen an inkawp chungchang in boruak lian tak a neih lai a Kim i’n Ariana hnen atang R.E.M. makeup a dawng tih an hriat in fans te pawh an phur a, Ariana chu hmeichhe rilru tha leh tluang tak pu a nih thu in an fak bawk.
Tun hi Kim in Ariana Grande hnen a mimal taka a thil dawn a puanchhuah vawikhatna a ni tawh lo a, nikum November pawh khan R.E.M. products a hawng lai dahchhuak in Ariana chungah lawmthu sawina alo tarlang tawh bawk.
Ariana Grande leh Pete Davidson hi May 2018 ah an inngaizawng tan tih hriat ani. An inkawp atang chawlhkar reilo te a liam hman deuh awrh tih ah an inhual thu an puang zui a, inhualna zungbun pawh a man a to viau nghe nghe. Mahse an inhual atang in thla 5 a liam hnu ah October 2018 khan an inthen tih an puang a. An inthen na hi Ariana bialpa hlui Mac Miller, OD vanga a thih hnu lawk ah ani.
Tun ah erawh Ariana Grande hian pasal tha tak a nei tawh a, May 2021 ah Dalton Gomez nen damchhung a nupa ni turin an innei.
