Shan ramkulh thlanglam Pekhon peng Shwepyiaye khua ah tualsung minung 19 cu ralkap pawlin October 27 zaanlam nazi 3:00 hrawngah an kaih thu theih a si.
Khawsung minung cu ral țih ah an tlan thluh ih inn kiltu ih a tangmi mipa 19 cu kai tahratin ralkap pawl cun an rawl suangtu an an hmang tiah tualsungmi pakhat in a si.m.
“Khua ih tansanmi tilva pawl le inn pawl kiltu ih tangmi pawl an si, khawsung ah kai tahratin rawl an suangter, phone pawl khal an long ih an phit thluh, pehtlaih an thei lo, mipa hlir an kai, putar khal an tel, nunau pawl cu an kai lo, an zaten minung 19 an si tiah kan thei” tiah tualsungmi pakhat in a sim.
KNDF (Pekhon Zone) khalin Shwepyiaye khuami pawl cu ralkap pawlin kai tahratin ral hmainortu ah an hmang tiah thuthannak an nei.
Pekhon khawpi ahhin thlakhat sungah ralkap pawlih hriamhreipi le meithal kahnak ruangah tualsung minung pakhat a thi ih minung 6 hriamhma an ngah hleiah inn pawl khal a siat thluh tiah theih a si.
Ralkap pawl cun sualnak nei lo tualsung minung pawl cu an kai ih, inn pawl an țhiatbal, hramhram in motor pawl an hmansak, thilri mankhung pawl khal an laksak tiah theih a si.
