Sagaing ramțhen Pinlebu khawpi ih November 5 doawknak ah PDF sungtel 5 an thi timi thuhla thawn pehparin “thihnak tongtu PDF pawl cu nungdam in hmuhsal an si” tiah social media ah a darh.
Atu social media ih darhmi thuthang ah “lungawiza ngaingai a si, Pinlebu doawknak ih mithi tiih thuthang darhmi PDF pawl cu nungdam in hmuhsal an si” tiah țhal sung dothlennak thazang komkhawm (နွေဦးတော်လှန်ရေး အင်အားစု) timi page ah an tarlangmi hmuh a si.
Mizzima Media fake check program cun atu thuthang darhmi November 5 ih Pinlebu doawknak ah PDF thihnak thuhla pehparin Pinlebu PDF țuanvo neitu pakhat pehtlaihnak an neih tikah “a si lo, fake a si, mi 5 an thi, atu ahhin hriamhma ngahtu le dam lo pawl cu kanmah Pinlebu camp sungah kan tuamhlawm rero” tiah Pinlebu PDF țuanvo neitu pakhat in simnak a nei.
PDF sungtel thihnak tongtu pawl cu Shwebo ihsin mi pahnih, Yioo le Khinoo ihsin mi pahnih, Sagaing ihsin mi pakhat an si tiah theih a si.
