Mague ramțhen Htaylin peng ah October 10 zinglam ahcun Pyo Saw Htay pawlih hriamhrei lai meithal 20 kaihngah a siih, Pyo Saw Htay sungtel pakhat a thih thu Htaylin PDF hnen ihsin theih a si.
Htaylin peng ah October 10 zinglam nazi 9:00 hrawngah Htaylin palik zung ihsin Yițaw khua ah Pyo Saw Htay pawlin lai meithal an thiar tiih thuhla theih a si ruangah Htaylin PDF cun lamzim ah bawh in an do ih Pyo Saw Htay sungtel pakhat a thih hleiah lai meithal 20 laksak ngah a si thu Htaylin PDF hotu in simnak a nei.
Hi lai meithal pawl cu tuihlan ah PDF pawl hnen ihsin an lak ngahmi a siih, Pyo Saw Htay pawl an suahsak ruangah Bike 3 thawn mi 4 in an thiar laifang ah PDF in an do thu a sim bet.
Ralkap council cun Htaylin peng sung Internet a phihsak ih ralkap thazang bet ciamco tahratin khua pawl an urkang țheu tiah theih a si.
