PDF In Pakhannge Palik Zung An Nam Ih Meithal 2 An Laksak

Mague ramțhen Yisagyo peng Pakhannge palik zung cu November 13 zaanlam suimilam 1:00 hrawngah PDF komkhawm cun an nam ih minute 30 tluk an kahawk hnuah palik pawl cu hriamhma ngah in an tlanhlo thluh tiah theih a si.

November 13 zaanlam suimilam 1:00 hrawngah People Defense Force Yesagyo, Phoenix အထူးပြောက်ကျားတပ်ဖွဲ့ (Yisagyo), 27 Revolution Forces MGN, Thwaythauk Revolution Forces țangkop in Pakhannge palik zung cu an nam ih document pawl, bike 2 le meithal 2 an laksak ngah ih palik zung cu an urkang thu tualsung hriamkai pawlin thuthannak an nei.

“Zaanlam suimilam 1:15 hrawngah palik zung hmailam, dunglam in kan kap, annih hi mi 20 hrawng an si, mithi cu kan theifiang lo, tuahcop 60mm RPG in kan kap, hriamhma ngahtu hruai aw in an tlan thluh timi kan hmu” tiah 27 Revolution Forces MGN ih Ko Zin Min in simnak a nei.

Pakhannge palik zung bawm dingin ralkap 40 hrawng cu bike 6 le motor pakhat thawn ra fehtu pawl khal zaanlam suimilam 5:00 hrawngah Pakhannge le Sinkai khua karlak ah People Defense Force Yesagyo le Phoenix အထူးပြောက်ကျားတပ်ဖွဲ့ (Yisagyo) cun bomb 3 thawn an rak do ih ralkap 6 an thi ih hriamhma ngahtu khal an tam zet tiah theih a si.

Leave a Reply

Your email address will not be published.