Shan ramkulh saklam Namsan peng မန်မိုင်မုန်းကွမ်း khua sungah Mandalay, Mague, Sagaing ramțhen ih PDF hnenah zuar dingih an khawlmi hriamhrei pawl kaihngah a si thu ralkap council cun November 23 ah thuthannak an nei.
Hriamhrei pawl cu မန်မိုင်မုန်းကွမ်း khua ih um ဦးစိုးလွင် timi ih inn မြေအောက်ခန်း le မြင်းတင်းကုပ် sungah meithal phunkim 50 le hriamhrei pehtlaih thilri pawl cu November 13 ah kaihngah a si thu an sim.
Atu ralkap council ih hriamhrei kan kai an timi thuhla pehparin 2019 November 22 ah နမ့်ဆန် peng ဟိုမိန်း khua kiangih TNLA hnenih an rak kaihmi thuhla an phuanmi thawn a bang aw. မန်မိုင်းမုန်းကွမ်း khua le ဟိုမိန်း khua cu kilometer 7 hrawng a hla aw tiah theih a si.
2019 ah ဟိုမိန်း khua kiangah vanzam kahnak FN6 telin hriamhreipi le meithal 170 hrawng le cerek pawl kaihngahnak thuhla ah TNLA țuanvo neitu pawl khalin an hriamhrei pawl kaihngah an si thu thusuahnak an rak tuah.
