Spanish zaithiam lar leh hmeichhia te duh rawn Enrique Iglesias chuan pawm lai nei a, fa hial a nei tawh chungin a fans hmeichhe pakhat nen langsar takin an infawp a ni.
Zirtawpni khan Las Vegas khawpui ah Enrique Iglesias chuan intawhkhawmna ‘meet and greet’ buatsaih ah a fans zinga mi hmeichhe pakhat, selfie pui tum tu nen chuan tum lawk reng pawh ni lovin duh thaw zetin midang hmuh ah an infawp ta chiam.
An in Selfie dawn lai hian Enrique hian hmeichhe biang ah hian a fawp a, hmeichhia lo hawi let thut chu an hmui a intawngfuh palh ta a, hmeichhia hian rang leh duhthaw zet a fawp zuiin Enrique pawh hian alo chhang let ve mai bawk a ni.
Vantlang hmuh a ual au taka a fans nen an infawp lai hi “Bailando” singer hian a Instagram ah a phochhuak nghe nghe. Midang te chuan a kawppui leh a fate nu ni bawk Anna Kournikova tan a chetdan chu hmuh nuam lo tak tur a ni an ti a, hmui a infawh kher chu a hmangaih tak tan chauh hlan turin an hrilh bawk.
Mahsela tun hi Enrique hian a fans hmeichhia a fawh hmasak berna a ni tawh lo. Concert alo neih tawhna ah pawh hmeichhe dang a fawp nual tawh a, a fans te a ngai pawimawh thiam em vang hian a bikin hmeichhia te ah duhtu a ngah hle.
Tuna a kawppui Anna Kournikova nen hian kum 20 vel zet inzui tawh in “Escape” music video an buaipuina atangin an intawng a, fa pathum nei tawh in phir Nicholas & Lucy, 4 leh Mary, 2 an nei mek a ni.
