Pawisa hi awlsam taka neih chu a ralna pawh ho te a ni thin a, rim taka thawhchhuah erawh hi chu a hlu bik em em thung. Tam tak chuan awlsam takin an duh zawng an nei nghal zung zung theih laiin mitam tak erawh chutiang an ni velo.
Assam rama pa pakhat chu a Scooter lei dan avang in zan khat thil thu lek ah Social Media ah a rawn lar hluai a, tarlan danin he pa hi Barpeta district a cheng stationary shopkeeper a ni.
Thla eng emaw zat chhung pawisa thirnawi (coins) a khawlkhawm a, pawisa thir a khawl chu ip ah a khungkhawm a showroom lam panin a duh ber scooter thar nalh tak chu a lei thei ta ani.
YouTuber Hirak J Das chuan Facebook ah he thil thleng chungchang hi a rawn tarlang a, Barpeta a Alpana suzuki dealers a pawisa thir vek hmanga Scooter thar leitu atang hian sum thahnem tak nilo sum tlemte khawl bek bek chung in thil lian tham leh hlu zawk a lei theih tih a rawn fiah thu a sawi.
A hming tarlan loh shopkeeper hian pawisa thir te hi thla 7 atanga thla 8 chhung two-wheeler leina tur atan hian a inkhawl tang tang tih a sawi a, plastic baskets 5 zet ah a pawisa khawl hi an chhung.
Showroom nghak tu Staff ten uluk takin basket 5 a pawisa thir te chu an chhiar a, Scooter man a tling ngei tih an chian hnu ah shopkeeper hnen ah lehkha sign na tur pe in scooter chahbi chu an hlan fel nghal ani.
