Turkish pa pakhat Hakan Aysal, 40 chuan a nupui thla 7 a upa naupai mek Semra Aysal, 32 chu kham sang tak atangin a namthla a, a nupui pawisa life insurance a neih duh vangin rawng takin a che a ni.
He thil thlen hun hi June 2018 liam ta khan a ni a, Turkish province Mugla a hmun theng thaw nuam leh mitam takin an tlawh fo thin Butterfly Valley ah a ni. Semra Aysal tlakna kham hi 1,000 foot zet a sang a nia, damchhuah ngaihna awm lovin a naute nen hian nunna an chan.
Hakan Aysal hian kham sang a a nupui a namthlak hma hian thla te la in chhuanlam ah a in selfie pui phawt a, tumah in an rinhlelh loh nan kham a chesual ang a lantir a tum a ni.
Hearing neih hmasak ah Aysal hi a lo berah kum 30 chhung tal tang turin tih a ni a, mahse rilru lamah chian lohna nei ang in an sawi. 4th Specialisation Department of Forensic Medicine a medics te erawh in Aysal hian thil thlen lai hian engmah harsatna a nei lo a, a rilru lam pawh a tha tih an nemnghet.
Mit a lo hmu tu te pawn an nupa hian intihbuaina nei lovin Aysal hian a namthla ngei tih an hmuhchian zia an sawi ve bawk a. Thil thlen lai hria a hmu tu pakhat pawh in a nupui kham a a tlak thu a sawi hian Aysal hi buai leh chi aina pakhat mah a neih loh thu a sawi bawk.
October 25 khan Fethiye High Criminal Court ah Aysal hi a chungthu ngaihtuah a ni a, a nupui thah thubuai ah damchhung tang tura tih a ni.
