India ram Tamil Nadu Thoothukudi a mi nu tling kum 57 a upa hian a nihna dik tak thup in mipa angin kum 36 chhung zet a khawsa tawh a. Hei hi a fanu a hmangaih luat vang leh a himna tur nia a hriat vanga ti ani.
Petchiammal hi Kattunayakanpatti village ah khawsa in patriarchal society ah a fanu chu him taka a seilen chhoh theih nan a pawn lam landan a thlak danglam a ngaih phah.
Pasal a neih hnu in Petchiammal hian hun thim leh harsa tak a hmachhawn tan nghal a, New Indian Express in a tarlan danin an inneih atanga ni 15 lek ah a pasal Siva hian a boral san ani. Hetih lai hian Petchiammal hi kum 20 lek a upa a la ni a, a pasal in a boral san hnu ah a fanu Shanmugasundari hi a nei.
A fanu pian hnu ah Petchiammal hian mahni chauh a a fa enkawl a hmeithai pui chu a awlsam lo hle tih a hria a. A hnathawhna hmun ah chuan mipa ten an awp hneh si a, hmeichhe tan hnathawh a harsa hle. Mipa te lak atang zarbuaina tawk thin in hemi a pumpelh nan a landan hmeichhia chu thlak in mipa angin a awm zui ta ani.
A fanu a enkawlna tur hian hna hrang hrang construction sites, hotel leh thingpui dawrah te a inhlawh thin. Pasal dang nei tawh lo turin thutlukna a siam zui bawk a. Kum 36 zet chu mipa ang hian a nihna a thup tawh.
Kattunayakkanpatti ah hian kum 20 liam ta khan inbengbel tha leh in a chhungte leh a fanu bakin a nihna dik tak chu an hre lo. A fanu Shanmugasundari hi tunah chuan pasal neiin nun nuam leh pangngai tak a nei tawh bawk.
Petchiammal chuan a fanu in pasal neiin nun pangngai zawk nei tawh mahse a nihna dik tak hmeichhia a let leh tumna erawh a nei chuang lo a, mipa ang a awmzui zel ala thlang. MGNREGS job card ah erawh hmeichhia anga ziahluh a ni a, a doccument pawimawh dang Aadhaar card, ration card leh voter ID ah te erawh chuan mipa ang veka chhinchhiah ani.
