/

Pasal atan milem siam chawp ragdoll neiin fa duhawm tak an neih thu a sawi

Brazil rama hmeichhe pakhat Meirivone Rocha Moraes, 37 hian kawppui atan a mihringpui chu thlang lovin milem siam chawp ‘ragdoll’ zawk pasal ah a nei tih hriat a ni.

Meirivone Rocha Moraes in pasal atan a neih ragdoll hi a nu in a siam sak a ni a, a nu hnen ah a mal bik hle thu leh lam pui tur a neih loh thu a hrilh hnu in a nu in ragdoll hi a pe ta ani.

A nu in a inhmelhriat tir hlim phat atang in Moraes hian a ngaina em em a, a hmuh hmasak ber ah a hmangaih in a kawppui tur dik tak a ni tih a pawm nghet nghal hmiah thu a sawi.

He ragdoll hi a hming ah Marcelo tiin an ko. An inhmuh tirh phat a ‘ragdoll’ Marcelo laka a luan liam hnu hian Meirivone Rocha Moraes chuan damchhung a kawppui turin a thlang a, chhung leh khat te hriatpuina in pasal ah a nei a, an inneihna ah hian mi 250 in an telpui bawk.

Meirivone Rocha Moraes chuan an inneih ni chu a nun a ni pawimawh leh hlimawm ber a nih hial thu a sawi. A pasal Marcelo chu a hmangaih in atan mipa dik tak a tling tawk tih a hrilh a, inhauh leh inhnial buaina nei lovin a hriatthiam thin zia a sawi. Pasal rintlak tak a ni a, hmeichhe dang te thik rawn a nih thu a sawichhuak hial.

An inneih hnu hian Rio de Janerio beach house ah honeymoon hlimawm tak an hmang dun a, May 21 khan an chhungkua punbelh in naute (doll) dang an neih thu a puang a, naute an neih lai hi live stream ah pe chhuak in mi 200 velin an thlir a ni.

Mahse Meirivone Rocha Moraes khawsak dan hi midang te atang in tangkai lo ti tu an tam hle a, a pasal neih dan leh an fa neih te chu lemchanna thil a ni an tih sak. Hei hian a tih thinrim thin thu a sawi a, amaherawh chu a nu leh pa te vang in sawisel tu te lakah hian inthiarfihlim in ngawih a chuh ta zawk a ni tih a sawi.

Leave a Reply

Your email address will not be published.