Kardashians chhungkaw telna tawh hrim hrim ah hi chuan thil thleng eng emaw sawizui hi a awm ngei ngei ti ila a sual lo. Entertainment khawvel ah hian an ni ai a lar hi an awm bik lo ang.
A pasal nen an inthenna chingfel hlim zo chiah Kim Kardashian chu Paris Fashion Week neih mek chhim in a kal a, Fashion Week a telna hi Balenciaga show ah ani. Hemi tur atan hrim hrim hian thuamhnaw dangdai leh maksak tak a inbelchhuak leh a. Show ti hlawhtling tu zingah a tang leh ani.
Kim Kardashian hian skintight suit ha in, a chungah a Show kalna tur mil takin thil charna Balenciaga yellow packing tape hmangin a ke ler atang a a nghawng chin zawng zawng chu a vet chhuak vek.
A taksa leh a pheikhawk bakah hian a bag khai chhuah thlengin brand tape hian tuamchhuah a ni a, amah buaipui a, a taksa a tape vetchhuak tur hian mi 4 laiin an buaipui nghe nghe bawk.
Kum 41 laia upa ni a fa 4 hial nei tawh chung hian ngaihven leh bengkhawn hlawh thei tura chet a thiam hle a, lar hi chu a phu ve viau ani. He outfit an buaina vel hi Kim-i hian Instagram ah a post a, “balenciaga show chhim tur in kan in peih e” a ti.
Hmanni lawk khan Kim Kardashian hi kum 8 dawn lai pasal atan a neih tawh rapper, Kanye West lakah zalen in, dan ang taka “Single” a ni tih Los Angeles Angeles judge in a puang ani. Nikum lam daih ah inthenna hi Kim hian a file tawh a, an nupa inkar chu ngaiawh thei a nih tawh loh thu a sawi bawk.
