Paris Fashion Week ah mihang rapper leh Fashion lama thawh hlawk tak ni bawk Kanye West chuan a Yeezy show a nei a, sawi a kai leh nasa hle. Fashion khawvel ah nghawng a nei na khawp.
Thawhlehni a Yeezy fashion show ah khan mihangte nekchepna leh hmuhsitn duh loh lantir nan a ‘Black Lives Matter’ au hla chu kuailet in ‘White Lives Matter’ a rawn hmang a, a thuamhnaw ah langsar taka chhu kaiin amah ngeiin a inbel zui bawk a ni.
A mihang ber in a chi pui te ngei a phatsan niin an ngai a, hemi vang hian Fashion Industry ah Ye hian diriam leh selna a dawng hnem zui mawlh mawlh hle. Kanye show chhim tu Vogue contributing editor, Gabriella Karefa-Johnson meuh pawh a tawngchhuak a, Kanye-a thil tih hi a dik loh thu leh a thlir dan hian kawng dik lo zawk ah midang a hruaisual theih thu a sawi hial.
Kanye erawh chuan Gabriella Karefa-Johnson in a Yeezy fashion show a hmuhdan chungchang a sawi ve ngawt hi a lo haw hle a, a thlalak nen lam IG ah post in a landan a sawisel zui bawk a, fashion mi leh sa ang pawn a lan loh thu in a chhang let.
Hei ve leh Supermodel, Gigi Hadid in contributing editor Gabriella Karefa-Johnson thlavang hi a rawn hauh vat a, hetianga sel turin a thiamna leh finna ang a nei lo tiin mi nuihsawh ching a nih thu a hrilh.
Gigi Hadid tawngchhuah hnu ah milar dang dang Hailey Bieber, Jodie Turner-Smith leh Vogue Magazine chenin Gabriella Karefa-Johnson an support thu an auchhuahpui a, Social media ah inhnialna leh inbeihna chhuak in boruak a sosang hle.
