Parcel Bomb Puak Ruangah NLD Dinpitu Te’i Sungkua An Thi

Mague ramțhen Yisagyo khawpi ah NLD dinpitu le cangvai zettu mi pakhat ih inn ahcun November 17 zaan ah parcel bomb an denglut ih nunau 3 le mipa pakhat, an zaten mi 4 an thi tiah Yisagyo Information department cun simnak an nei.

Yisagyo khawpi veng khatnak Htindan veng ih um NLD dinpi ih cangvai zettu Ko Aye Hlaing le Ma Mercy te’i inn sungah November 17 zaan suimilam 10:25 ah an ra denglutmi parcel dip cu thilri dip ah ruat in an on ih a puak.

Hi bomb puak ruangah Ko Aye Hlaing (kum 52) le a innsangnu Ma Mercy (kum 45), an fanu Ma Aye Thin (kum 20) le an inn hnen Daw Sii (kum 47) pawl an thih thu, nunau 3 cu a hmun rori ah an thi ih, Ko Aye Hlaing cu siizung a thlen hnuah a thih thu theih a si.

Hi parcel bomb cu bike thawn mi pakhat in a ra denlut thu, veng sung mi hrekkhat cun dalan pyo saw htay ih tuahmi a si an ti thu Yisagyo information department cun an sim.

Ko Aye Hlaing tei’ sungkua cu NLD ih nehnak a co theinak ding hrangah nasazet ih cangvaitu an si tiah theih a si.

Leave a Reply

Your email address will not be published.