Irrawaddy ramțhen Lapuattha peng ih palik tlan palik Kyaw Ko Ko cu CDM palik ka si ti tahratin Lapuattha khawpi ah mibum in tangka a khon hnu Hlaingthayar palik zung cun an kai tiah theih a si.
Palik tlan Kyaw Ko Ko cu humhimnak hmun pakhat an thlen hnuah midang CDM palik pawl ko in hotu vekin a um ih mibum in tangka a khon hnu a tlansuak ih November 23 ah Hlaingthayar palik zung cun an kai tiah Lapuattha Revolution Group cun an sim.
“Kan hnenin ra umtu a si, CDM ka si a ti ruangah kan cohlang, amai kawhnak ruangih CDM tuahtu palik khal an um, a hlu khong in tangka khal mi a bum ih a thuhla a langsuak zawngah a tlanhlo, atu lawngah palik tlan a si timi kan thei, CDM palik a si lo, atu hi tawk ih CDM palik pawl hrangah a țha lo zet, thuhla țhaten kan zingzoi rero” tiah Lapuattha Revolution Group țuanvo neitu pakhat in a sim.
Palik tlan Kyaw Ko Ko cu Lapuattha peng sungih Revolution Group hleiah a dang pawlkom khal pehtlaihnak a neih ruangah amah thawn pehtlaihnak tuahtu dinhmun in zamrangten relh thluh ding khalin Lapuattha peng Revolution Group cun ralrin peknak thusuah an tuah.
