Bago ramțhen Zikung peng ih ralkap council kilhimnak gate cu October 10 zaan nazi 11:00 hrawngah kutden bomb thawn an do ih palik 2 an thi, mi 2 hriamhma an ngah tiah tualsung media hnen ihsin theih a si.
October 10 zaan nazi 11:00 hrawngah Zikung peng kilhimnak gate cu kutden bomb thawn an do ih bomb puak ruangah palik Tacian Aung cu a hmun rori ah a thi cih. Palik Win Maw Oo cu a hriamhma tuar thei loin October 11 zinglam ah a thi tiah theih a si.
“Palik 2 an thi timi cu nemhnget a theih zo, midang 2 cu hriamhma an ngah tiah kan thei” tiah tualsungmi pakhat in a sim. Hriamhma ngahtu palik senhnih Pyea Sone Aung le palik Yiyah Phyo cu siizung tuamhlawm an si tiah theih a si.
