Sagaing ramțhen Debeyin peng Saingpin palik zung ihsin Yioo ah țhawntu ding palik zung hotu ih thilri phurtu motor cu November 10 sunah bomb an denglut ih a kang tiah theih a si.
November 10 sunah Saingpin palik zung ihsin suaktu palik zung hotu ih thilri phurtu motor cu Saingpin le Debeyin karlak ah bomb 3 thawn siatsuah a si thu, cuvek thotho in Kyartkhat (ကြခတ်) khua saklam khalah palik zung ihsin suaktu thilri phurtu motor pakhat cu bomb thawn siatsuah a si ruangah a feh thei nawn lo thu Saingpin thuthang cun a sim.
“Debeyin peng Saingpin palik zung hotu cu Yioo ih țhawn dingin a feh laifang ah lamzin ah bomb thawn siatsuah a tong, tuinu November 10 sunah Saingpin palik zung hotu cu Yioo ih țhawn dingah motor 2 thawn an feh ih Saingpin le Debeyin karlak ah tualsung hriamkai pawlin bomb 3 thawn an rak do, motor pakhat cu a him, SKAT motor sen pakhat cu a kang, motor sungah sakhanhmu thilri pawl thawn a kangcih thluh” tiah Saingpin thuthang cun a tarlang.
Debeyin PDF ih simnak vekin Saingpin palik zung ihsin suaktu hmun țhawn ding thilri phurtu motor sen cu lamzin ih bomb thawn siatsuah a ton ruangah a kang tiah theih a si.
