Taninthari ramțhen Palaw peng ကျောက်ပုဇွန်တောင် kiang ထားဝယ် le သရက်ချောင်း karlak ihsin မြိတ် khawpi lam pantu ralkap petro phur motor 22 cu mizansun January 26 zinglam nazi 1:30 ah khan Palaw PDF cun an rak kap ih ralkap 2 an thi tiah Palaw PDF cun thuthannak an nei. Petrol phur motor pawl kilhimnak ṭuanvo la ih thluntu Kawl ralkap pawl cun meithal an rak kap ve ciamco ih tualsungmi pakhat cu a ke ah an kap ngah ih hriamhma a ngah thu an thuthannak ahcun an tarlang.
Ralkap petrol phur motor an rak kahmi pawl sungah vanzam hrang petrol phurtu motor 2, petrol dangdang motor 5, petrol pipa phurtu motor 5, ei-in phurtu motor 4, thilri phurtu tiih ruahmi motor 2 le ralhmai tlan motor 2 pawl an si thutualsungmi pawl hnenin theih a si.
January 23 khalah Mon ram kulh Ye khawpi ihsin Dawai lam ih fehtu petral phurtu motor 4 cu Ye peng sung peng 28-nak Yangon le Mandalay karlak zinpi ah bomb thawn an rak siatsuah thu Ye PDF cun thuthannak an rak nei.
