Kan tun hun hman mek ah hian fa neih tam duah hi tam zawk chuan an duh lo a, Pakistan pa erawh hi chuan tul a ti hle a ni chek ang, fa tam tham zet neiin, duh tawk chin ala nei thei chuang lo.
Kum 50 a upa Sardar Jan Mohammad Khan Khilji hian nupui 3 a nei mek a, Pakistan ram ah hian nupui pakhat aia tam neih hi thil mak a ni hran lem lo, mahse a larna ber zawk chu a nupui pathum te atang hian fa 60 zet a nei a ni.
Eastern Bypass of Quetta city ah an cheng a, amah hi doctor niin an awmna ah hian clinic te pawh a hawng bawk. A fa 60 na turin fapa a nei thar hlim deuh chiah a, heti zat fa a nei tawh chung hian tawp san mai ala tum lo hle, a nupui 4 na tur zawn hna ala thawk mek zel zawk.
BBC in an kawmna ah chuan a thian tha te hnen ah a nupui 4 na tur hi zawnpui tura a ngen thu a hrilh tih a sawi a, a nupui thar tur nen hian fa neih ngei ala tum nghet hle tih a hrilh bawk.
A nupui leh a fate enkawlna kawng ah hian harsat chang tawk mahse a paltlang thei ve zel a,Khilji hian 2016 daih tawh khan a fa 35 na a neih hnu in international news headline alo siam daih tawh. A duh dan chuan a tlem ber fa 100 tal neih tlin a tum a, a nupui 4 na tur hi a hruai lut leh thei a nih ngat chuan a tum hi a hlenchhuak thei ngei pawh in a rinawm a ni.
