94th annual Academy Awards semna a “King Richard” Actor Will Smith an Stage ah Chris Rock lawnchilh meuh a mipui tam tak hma a a ben chungchang ah Chris Rock hringtunu chu lungawi thei lovin thil thleng chuan a tihnat thu a sawi.
Rosalie “Rose” Rock chuan South Carolina TV station WIS-TV a Interview a neih na ah Oscar semna a a fapa chunga thil thleng kha nu tan chuan hmuh hrehawm tak a ni tih a hrilh.
“Chris a ben khan kan zavaiin in min beng tel vek ani. Keimah hi min ti na zual tak zet a. Ka fapa kut i thlak rual khan keipawh kut min thlak tel ani” tiin nu a nihna atang in a fapa thlavang hauhna thu a chhakchhuak.
Awards semna ah hian Chris Rock hian Will Smith nupui Pinkett Smith chu a lu kawlh chungchang fiamthu nan a hmang a, Pinkett Smith hian alopecia an tih natna in a tlak buak vangin a sam a tla kawlh. Will Smith hian a nupui fiamthu thawh nana hman hi ngaithei lovin Stage ah mualpho huamin a beng zui ta ani.
Chris Rock nu Rosalie Rock chuan Will Smith hian a nupui mitmei a hmuh hnu ah chauh a thinrimna hi a lantir a ti a, Award semna ah hian a hmun ah kal lovin in lam atang alo thlir a, nu tan chuan hmuh harsa tak a ni tih a sawi.
Hetih rual hian a fapa chu a chunga khang thil zawng zawng thlenga zahna kawn ah dintir a ni chunga engmah thleng lo ang hmiah in professional tak maia mipui ala chhawn thei chu a chhuanzia a sawi bawk ani.
Oscar semna a a chet dan vangin Will Smith hi Oscar programe leh event hrim hrim a tel thei tawh lo turin kum 10 chhung Academy in a hrem.
