Germany a khawsa social housing worker hnathawk Thomas Heller chuan Online kaltlang a thil tlawm zawk ngaihtuah in eBay ah chuan kitchen cabinet la ṭha tak mai chu a hmu fuh hlauh mai.
A tirah chuan Cabinet man hi £253 (Rs 24,270) in chhiar ania, mahse inbiakremna leh indawrna neih hnu ah a man pangngai atangin £203 (Rs 19,480) in an hniam leh ani. Cabinet chu a la nalh tha si a, Thomas Heller pawh in eng dang sawi set set lovin a lei nghal hmiah bawk. Hetiang a man tlawm zawka Cabinet a lei thei chu vanneih a inti in a hlim hle nghe nghe.
Cabinet a lei chu alo thleng ta ngei a, a han en vel hnu pawh chuan Heller hian a duhthusam a ni tih hriat takin engmah han sawiselna a nei lo. A chhung lam vel te an enkual chuan in box thuhruk tak chhungah a beisei loh thil a hmu thut mai.
Drawer a hmun biru tak ah box pahnih ah chuan pawisa £126,000 (Rs 1.2 crore) zet chu alo awm a, Heller pawh hian pawisa a hmuh chuan mak a ti in a hamhaih hle nghe nghe. Pawisa a chhar hi mahni a pumbilh a, zep mai tum lovin Police hnen ah a kalpui ani.
Heller pawisa chhar hi Police te chuan district court thlen in a nei tu dik tak zawngchhuak turin investigation an nei a. A neitu nia an hriat an zawn fe hnu ah chuan Halle a mi pitar kum 91 a upa ta a ni tih an hrechhuak.
Police spokesperson Astrid Kuchta chuan pawisa hi cabinet chhunga hmun biru tak ah thuhruk a ni a, bungraw hralh tu pitar tupa chuan tualchhung media hnen ah pawisa hi a awm ang tih rinngaihna a hriat loh thu a hrilh bawk.
German dan ah pawisa €10 (£8.41) ai a tam hmuh a lo kawl chu dan bawhchhiatna leh pawisa eirukna a ngaih niin kum 3 thleng Jail tan theihna ani. Heller hi a rinawmna leh mitvar man ah a pawisa chhar atanga 3% changin hei hi £3,784 (3.6 lakh vel) a ni.
