Games vang a thil pawi tak tak thleng hi hriat tur a awm fo tawh. A la thleng mek zel bawk a. Nu leh pa te pawh fate enkawl leh kaihhruai kawng ah fimkhur zual sauh a pawimawh hle.
India ram Uttar Pradesh’s Lucknow ah chuan rawlthar kum 16 a upa in Online Games vangin a hringtu a nu ngei chu silai in a kaphlum a, ni 3 chhung an chenna in ah a nu ruang hi midang hmuh loh turin a thuk ru ani.
A nu a thah hun tak hi Pathianni zing lam khan nia hriat ani a. He rawlthar hi tarlan danin online game PUBG khel thin in a atchilh a, a hun tam zawk Games khelh nan a hmang thin. Hei hi a nu chuan zilh hau in Games khelh chu a khap sak ani.
A nu in Games khel thei lo tura a khap vang hian lungawi lovin a thinrim hle a, a pa silai chu la chhuak in a nu hi a lu ah a kap zui ta a ni. A nu ruang hi ni 3 chhung thukru in a rimchhia chu midang in an hriat loh nan air-conditioned room ah a dah.
In ah hian a nau hmeichhia kum 10 nen an awm a. A pa hi Army niin West Bengal ah a awm thung. Ruang rim hi rei tak thup theih a nilo a, an thenawm a mite chuan a rim chu lo hria in a pa chu an va hrilh. Police te hnen ah thlen ve leh in Police ten chanchin an dawn bawhzui a an va kal chuan ruang an va hmuchhuak ta ani.
Police te chuan thu an zawhfiah ah rawlthar hian dawt sawiin a nu chu electrician in silai a a kah thu a sawi a, mahse chhuichianna an neih hnu ah a thusawi te chu dawt a phuahchawp a ni tih an hrechhuak leh. A nau hmeichhia hian Police te hnen a a hrilh danin a u hian a thil tih hi midang a hrilh a nih chuan thah ah a vau thu a sawi bawk.
Ruang hi Postmortem tura la in a nu thattu rawlthar hi custody ah hruai a ni a, kum tling lo ala nih vangin a hrem dan tur hi engmah tarlan ala nilo.
