Mitam zawk in thil chah hun tha leh an lo chan ngar ngar thin chu Diwali leh Holi lai vel hi a ni thin a. Hetiang hun ah hian Site hrang hrang ten an thil zawrhchhuah te chu man tlawm taka lei theih turin an dahchhuak thin.
He hun hi a then ten an vanneihpui em em rual in vanduaipui fe fe pawh an awm nuk a. Mangaluru a mi pa pakhat pawh in Diwali discount lai chuh in Flipkart ah Laptop a chah a, mahse a beisei ang Laptop a dawng lo.
Chinmaya Ramana hian a sawidan in October 15 khan Flipkart ah Asus Tuf gaming laptop a chah a, nghakhlel tak a beiseina sang tak nen lo thlir in October 20th ah a thil chah hi a thleng a ni.
Phur taka bawm chhung a hawn chuan Laptop hmel reng reng alo awm hauh lo mai a, Laptop ai ah lung lian tak leh Electronic chhia an lo dah. Twitter ah a thil tawn hi video nen a tarlang a, Flipkart hian refund an phalsak lo bawk.
The product video pic.twitter.com/Lbv2INZsjk
— Chinmaya Ramana (@Chinmaya_ramana) October 23, 2022
Flipkart a thil chah chu a inchhir zia midang te hrilhin thil diklo a awm palh in engmah ah mawhphurhna an hlen lo a ti a, a post lo hmu tu te chuan Flipkart te demna thu an sawi nasat bakah e-commerce brand pawh mawhphurtu zingah an tel ve a ni tiin Chinmaya hian a sum sen zat hmu kir leh tura an duhpui thu an tarlang.
Hetia sawiselna leh hmingchhiatna nasa tak a tawh hnu ah Flipkart lam te hian inphah hniam zai an rel a, Chinmaya chuan Flipkart in a pawisa chawi zat te an pek kir thu a rawn tarlang leh a ni.
Hetiang Online shopping chetsual na hi vawikhat a thlenna a ni tawh lo a, a hma pawn mitam takin an order loh pui pui an lo dawng fo tawh thin.
