Pasal pakhat ai tam nei hi chu hriat tur a tam lo a, nupui pakhat aia tam nei thei mipa erawh tam tak sawi tur an awm tawh. Engtin nge an nupui te inrem taka an awmtir vek theih tih te hi hriat a chakawm thin a. Nupui te inkar a remna leh muanna thlen turin rorelna tha leh mi bik tak nih a ngai dawn tih erawh a chiang.
Brazilian model pakhat Arthur O Urso chuan nupui pakhat chauh nilo nupui 9 zet neiin news a siam a, mitam tak in a vanneih leh luck zia an hriat in mak pawh an ti hle.
Mahsela tunhnai a news agency Jam Press hnen ah Arthur O Urso hian a nupui pakhat nen inthen in nupui 8 chauh a nei tawh tih a hrilh. A nupui zinga mi Agatha chuan pasal intawm reng duh tawh lovin amah chu neih pumhlum bik a duh vangin an inthen phah niin a sawi.
A nupui Agatha thutlukna siam ah hian a ti lungngai in a thawng hle tih Arthur O Urso hian a sawi bawk a, a nupui dang te pawh in Agatha ngaihdan chu diklo an tih thu a sawilang nghe nghe tih a puang bawk.
Urso hian a nupui pakhat chan mahse tunah rih chuan Agatha thlak tu tur hi hruai leh nghal mai tumna ala nei lo a. Amaherawh chu nupui 10 neih ngei ala tum ruh hle thung a, 10 tling turin nupui 2 neih belh leh ala ngai dawn ani.
A nupui te nen an inneihna hi Sao Paolo, Brazil ah hman a ni a, mahse Brazil ram ah hian nupui pakhat ai a tam neih (polygamy) hi phal a nih loh vangin dan ang taka inneihna hi kalpui leh ziah luh a nilo thung.
Urso hi a nupui zinga mi Luana Kazaki nen fa pakhat an nei tawh a. Nupui pakhat chauh lak a fa neih chu a nupui dang te tan a fair bik lo tiin a nupui 8 theuh te lak ah hian fa neih a tum bawk.
OnlyFans lamah Arthur O Urso hian account nei in thla tin sum £56,000 ala lut thin. Instagram ah zuitu 50,000 aia tam nei bawkin a nupui 9 te nen a an thlalak leh video te chu midang hmuh theih turin a phochhuak ani.
