National Unity Government (NUG) cun ASEAN thawn pehtlaih awin hnațuan tlangnak a karh vivo theinak hrangah U Bo Hla Tint cu ASEAN Myanmar Ambassador țuanvo kai dingah October 24 ah țuanvo an pek thu NUG ih Ministry Of Foreign Affairs cun thuthannak an nei.
U Bo Hla Tint cu 1990 ah Dr. Sein Win hohami National Coalition Government Of The Union Burma (NCGUB) ah Minister Of Construction a rak tuan ih UN Myanmar palai pawlkom sungtel dinhmun khalin țuanvo a rak kai.
Cuihnuah NCGUB ih Minister of Foreign țuanvo khal 2012 tiah a rak țuan ih atu NUG ih ASEAN Myanmar Ambassador țuanvo kai dingin hnațuan thar an pe tiah theih a si.
