Myanmar ram sung peng 46 sungih tlawng siar lo a dang ramțhen ramkulh ih tlawng zaten November 1 ihsin tlawng phon sal dingah ralkap council ih Covid – 19 kilkhawinak central committee cun October 28 ah thuthannak an nei.
Tlawng phon lo dingmi ramțhen ramkulh 9 sungih peng 46 sung ihsin Shan ramkulh ah peng 26, Kachin ramkulh ah peng 6, Mague ramțhen ah peng 4, Karenni ramkulh ah peng 3, Karen ramkulh ah Hpapun le Tantawnggyi peng, Chin ramkulh ah Falam le Hakha, Sagaing ramțhen ah Lishia peng, Mandalay ramțhen ah Myikthila peng le Rakhine ramkulh ah Kuah peng pawl an si.
Hi tarlangmi peng siar lo a tangmi peng sung ihsin private tlawng le phungki tlawng telin tlawng hmuahhmuah cu November 1 ihsin tlawng phon sal ding a si thu thuthannak ahcun an tarlang.
Myanmar ram sung Covid – 19 a thok caan 2019 ihsin thawngpih a si. Ralkap in rampi thuneihnak an lak hnu 2021 June thla ah ralkap council cun thawng an rak phon sal na’n ralkap thuneihnak dokalh ih cangvaihnak ruangah tlawngkaitu an rak um mumal lo. Cuihnu Covid – 19 third waves a thok caan July thlathok ihsin thawngpih sal dingah ralkap council cun theihternak an rak nei.
