Pathianni (June 5) khan Southwestern Nigeria a Roman Catholic biak in chhung ah inkhawm laiin misual ten silai kengin an luhkhung a, an silai hmetpuak in inkhawm a pungkhawm mi eng emaw zatin nunna an chan.
Ondo state a St. Francis Catholic Church ah a ni a, Pentecost Sunday ah tak vanduaina rapthlak hi a thleng. Silai hmeh puahna ah hian a lo berah mi 50 lai in nunna an chan tih hriat a ni, nunna chan te hi an chanchin kim chang hriat theih la nilovin a tam zawk naupang an ni tih legislator Ogunmolasuyi Oluwole chuan a sawi ani.
Ondo state hi hun eng emaw chen chu state ralmuang ber tia hriat alo ni thin. Bishop Jude Arogundade in a sawidan chuan silai keng te hi biakin chhung ah an lut a, a then pawn ah awm in tlanchhuah tum a piang te chu kaphlum turin an lo chang ani a ti.
Biakin ah hian luhna hmun 3 a awm a, an luhna pui ber hi misual silai keng te hian dang tlat in hei hian tlanchhuah a harsat tir phah. Biakin hnaih lawk a cheng Steven Omotayo chuan silai ri a hriat rual in a tlan nghal. Mitam tak thisen chhuak a an ruang let reng chu a va hmu thuai.
Hospital lama hnathawk te pawh hliam tuar enkawl in an buai hle a, Ondo a The Nigeria Medical Assn ten doctor remchang zawng zawng te hliam tuar tanpui a thawkchhuak turin an ti.
Silai hmetpuak tu misual te hi man an la nilo a, vanduaina thleng ah hian eng pawl mah in mawhphurhna an la rih lo. Thuneitu ten man ngei tum in theih tawp an chhuah mek zel ani.
