KNU tatmaha 5 hmunram sung doawknak ah ralkap council lam ihsin Lt. Col. pakhat, Captain 2 telin mi 58 an thih thu KNU cun October 23 ah thuthannak an nei.
October 1 – 20 tiang ralkap le KNLA/KNDO karlak doawknak țum 123 a um ih ralkap lam ihsin Lt. Col. 1, Captain 2 telin mi 58 an thi ih mi 64 hriamhma an ngah tiah an sim.
Hi doawknak ahhin KNLA/KNDO lam ihsin mi 7 hriamhma an ngah thu KNU thuthannak ahcun an tarlang.
KNU hmunram မူတြော် distric ဘူးသို peng le ဒွယ်လိုး peng sung mipi umnak khua sungah ralkap lam cun hriamhreipi vei 170 lenglo an kap ih meithal khal vei tampi an kap tiah KNU cun an sim.
Ralkap council hriamkai pawl cu KNU မူတြော် distric tatmaha 5 sung လူသော peng, ဘူးသို peng le ဒွယ်လိုး peng sungah cangvai in milai covo an pahbal ruangah KNLA tatmaha 5 hnuaiih battallion le KNDO cun hmunram humhimnak le mipi humhimnak hrangah nitinten ralkap thawn doawknak a suak ringring tiah KNU thuthannak ahcun an tarlang.
KNU tatmaha 5 hmunram sungah ralkap council hriamkai cangvaitu battallion 27 a um tiah KNU thuthannak ahcun an tarlang.
