Naypyitaw khawpi ih MICC2 ah October 22 zaan nazi 9:30 hrawngah meithal kah thawmvang theih a si thu tualsungmi pawlin an sim ih Myanmar Police CDM Channel cun hriamkai pawlkom pakhat in MICC2 ih kilhimnak țuanvo latu pawl an kah thu an sim.
Naypyitaw မဟာသုခ lamzin ih MICC2 khiangih kilhimnak țuanvo latu palik pawl cu October 22 zaan ah hriamkai pawlkom pakhat in an kah ruangah palik pakhat hriamhma a ngah thu, cutiih an kah thluh hnuah hriamkai pawlkom pawl cu an tlan ih lamzin tluan ih mipa pawl umnak kiangah kilhimtu țuanvo latu palik pakhat khal an kah ruangah palik pahnih hriamhma an ngah thu Myanmar Police CDM Channel cun an tarlang.
Naypyitaw khawpi ih um mi pakhat cun “MICC2 သပြေဆောင် lam ah meithal kah thawmvang kan thei, vei 8 hrawng a si ding, nazi 9:30 hrawngah keimah lawng ka thei si ko tiah ruatin ka um men, nazi 9:20 ihsin nazi 10:20 ah an kaihmi thawmvang kan thei, au rero thawmvang khal kan thei, lengsuak in kan zoh ngam lo, meithal kah thawmvang vei 20 lenglo a si” tiah a sim.
Naypyitaw khawpi ih midang pakhat khalin ralkap in mi hrekkhat an kai ih an hrem reomi thawmvang kan thei tiah a sim.
Meithal kah thawmvang cu Ekah 1000 ခရေ ပိတောက် ihsin kan thei thluh, khuitawk hmun timi kan thei lo, Traffic kiangah meithal kap in an kaihmi pawl cu hridai ih an țawnmi thawmvang khal kan thei” tiah a sim bet.
