Kan khawvel nilo hmun dang khawi ah emaw hian nunna a awm theih leh theih loh chungchang ah inhnialna hi a la awm reng a, Alien tia sawi te pawh hi hriat tlanglawn tak ni mahse an awm ngei em tih erawh chiang takin tun thleng hian nemngheh theih a nilo bawk.
NASA Scientist ten Alien Life hi kum 150 chuang an hlawhchham pui tawh. Tun ah ruahmanna danglam chungchuang tak siam in van sang ah mihring saruak thla ruangam chu thawn chhoh an tum tih hriat a ni a. Hei hi Alien te nen inbiakpawhna tur atan a tih niin an thil thawn hi an lo hmu a nih chuan lei lamah chhanletna dawn ngei an in beisei bawk.
He Project hi “Beacon in the Galaxy” (BITG) peng niin,a tum ber kan khawvel nilo hmun danga nunna awm theih na dap leh alien thu thawn a, an ni nena inbiakpawh dan kawng ngaihtuah ani. Mipa leh hmeichhia saruak thla ruangam ziak thawn tur niin thlalak fiah pangngai ang hi a ni dawn lo a pixelated illustration ni ang. Message hi binary code in ziah tura ruahman ani.
Nasa in mihring saruak thla thawnna an neih tur hi space message vawi 2 thawnchhuahna tur ani dawn a. A hma in Arecibo message chu 1974 daih tawh khan globular star Cluster M13 ah thawn a ni tawh a, khawvel lam atangin chhanletna lawmawm engmah dawn let a nilo thung. Mihring saruak thla/ruangam vansanga thawnchhuah hi Pioneer missions 1972 khan telh alo ni tawh bawk.
