Hmelthat leh nalh te chu tu pawh in kan duh theuh. Mahsela khuanu in duh taka min siam danah hian lungawi thiam hi a pawimawh.
Netherlands nula Nikita Kimberly, 21 chuan a hmai lam fello lai siam that tirin Botox injections a nei a, amaherawh chu mawi a tum luat ah a duh angin a chhuak ta tlat lo. A duh angin a chhuak lo mai nilovin harsatna a siam zawk a,Botox that loh zia a rawn sawichhuak ta chul ani.
Nikita Kimberly hian a sawidan chuan a khabe botox hi a tih tir a, a nuih zawngin khuar awm angin a sawi. A tirah chuan a tha in harsatna engmah a neilo, ni reilo hnu ah chuan botox in a hnathawh theih a lanchhuah pui a, a hmai pian zia ah nghawng a neih phah daih a, a nuih a piangin a nuisawi ta zel.
Tiktok kaltlangin a chunga thil thleng ‘Botox horror story’ hi a rawn puangzar a, midang cosmetic procedure ti tur te pawh fimkhur tur leh a theih hram chuan botox ti lo turin a chah. A nuihsawi mai bakah hian a tawng zawnga a hmui a seh thin vangin lei tawt angin a tawngchhuak thin bawk ani.
Botox hi bacterium Clostridium botulinum atanga siam a ni a, vun chuar lai tihmar nan te an hmang. Nikita thil tawn hi a darh zau hnu ah mitam takin comment hrang hrang an pe sup sup hlawm. Nikita pawh hian lip fillers leh a nuihsawi dan ah hian amah thlir a ngaihven tu te hnen ah a chanchin update na a nei thin a, a thlalak thar ber a phochhuah ah erawh chuan ngai a awh viau tawh ani.
