Myanmar rambuai ruangih mai’ inn le khua suahsantupawl New Zealand in bawmnak paisa million 2 le hrek hnakih tam a pe ding
Tufang Myanmar ramsung ralbuainak ruangah mai’ run inn hlumte hman ih um thiam lawn, a suk a so ah ralrelh ih vakvai rerotu pawl hrangah New Zealand rampi acozah cun bawmnak paisa fai Dollor million 2.75 an pek ding thu, New Zealand Ministry of Foreign Affairs Nanaia Mahuta cun tuisun, June 14 ah thusuah a tuah.
Cui’tlun ah Bangladesh ram ih um Rohingya pawl bawmnak pe rerotu UN agencies pawl thawn acozah silo pawlkom dang khalah bawmnak paisa dollor 5.5million New Zealand acozah cun an pek ding thu Nanaia Mahuta cun a sim.
New Zealand rampi acozah cun Myanmar ralkap in thuneihnak an lakmi parah an thin a har ih Kawl ralkap in thuneihnak an lak ruangih Myanmar ramsung ralbuainak ruangah mai’ inn le khua suahsan sahimnak hawl ih relhtu mi harsa pawl bawmnak hrangih an pekmi a si thu, Hi bawmnak an pekmi paisa hi Kawl ralkap in an cohlang theilo dingih an hrangah hlawknak hrang khal a si lo, tiin Nanaia Mahuta cun a sim.