2021 February 1 – November 15 tiang bomb le meisa in tlawnginn 444 siatsuah a si thu ralkap council ih Information Department in thuthannak an nei.
Fimthiamnak țhangso dingih hnațuantu tlawng saya/ma an thah hleiah fimthiamnak hrangah a thupi zetmi tlawnginn pawl le fimthiamnak lam inn pawl bomb an puakter, an urkang ruangah February 1 – November 15 tiang tlawnginn 444 sunral a si tiah ralkap council ih information department cun thuthannak an nei.
Bomb puak le meisa urkangnak ruangah Naypyitaw khawpi peng 5 ihsin tlawnginn 13, Kachin ramkulh peng 8 ihsin tlawnginn 23, Kaya ramkulh peng 1 ihsin tlawnginn 3, Karen ramkulh peng 4 ihsin tlawnginn 12, Chin ramkulh peng 3 ihsin tlawnginn 6, Sagaing ramțhen peng 21 ihsin tlawnginn 65, Taninthari ramțhen peng 2 ihsin tlawnginn 3, Bago ramțhen peng 10 ihsin tlawnginn 22 siatsuah a si thu Information department cun thuthannak an nei.
Cuihleiah Mague ramțhen peng 16 ihsin tlawnginn 44, Mandalay ramțhen peng 25 ihsin tlawnginn 83, Mon ramkulh peng 7 ihsin tlawnginn 39, Yangon ramțhen peng 30 ihsin tlawnginn 78, Shan ramkulh peng 15 ihsin tlawnginn 24, Irrawaddy ramțhen peng 15 ihsin tlawnginn 29 cu bomb le meisa urkangnak in siatsuah a si thu information department cun thuthannak an nei.
Cuihleiah Sagaing, Bago, Mague, Mandalay le Yangon ramțhen pawl ah tlawng saya/ma le fimthiamnak hnațuantu mipum 12 thah an ton thu le Kachin ramkulh, Sagaing, Bago, Mague, Mandalay, Irrawaddy pawl ah tlawng saya/ma le fimthiamnak hnațuantu mipum 15 cun hriamhma an ngah thu ralkap council ih Information Department cun thuthannak an nei.
