Myanmar ram linghnin ruangah Yioo khawpi ih phungki tlawnginn le Christian Sister tlawnginn darnak tlakrawh a cim tiah theih a si.
Tuini July 29 zaanlam suimilam 15:09:27 ah Sagaing ramțhen Kampalu khawpi linghnin tahnak zung ihsin peng 42 a hlatnak Mandalay ramțhen Thapbeikkyin khawpi ih nisuahnak thlanglam peng 5 hlatnak ah leisung 10km hmunkhuar in Latitude 22.84’N, Longitide 96.05 ah Magnitude 6.3 rori in nasazet in ling a hnin.
Hi linghnin ruangah Sagaing ramțhen Yioo khawpi ih phungki tlawnginn le christian sister tlawnginn darnak tlakrawh dan 10 (၁၀ခန်း) a cim tiah theih a si. Tlakrawh cimmi cu peng meithal pawlin an simsial rero tiah theih a si.
Kan dung kum khalah Khin Oo peng sungah hmunkhur in ling a rak hnin ih, cui linghnin ruangah pagoda le inn hrekkhat an rak cim.
Tuini linghnin ruangah Pyin Oo Lwin, Mandalay, Shwebo, Naypyitaw pawlin an tuar ih, linghnin ruangah minung thi le hriamhma tuar an um lo tiah theih a si.
