Mague ramțhen Myaing peng ah November 24 zinglam suimilam 9:00 ah zinan phur motor 5 hrangih kilhimnak thluntu ralkap pawl cu tualsung hriamkai pawlin bomb thawn an do ih a malbik ralkap 3 an thi ih mi tam zat hriamhma an ngah thu Myaing PDF cun thuthannak an nei.
Myaing PDF ih မြေခွေးပျောက်ကြားတပ် le Pakokku PDF cun November 24 zinglam suimilam 9:00 hrawngah လက်ပံတို – အရာတော် lamzin ih zinan phur motor 5 hrangih kilhimnak thluntu ralkap pawl cu bomb thawn an do thu, ralkap motor pakhat a ngah ih a siat hleiah motor parih ralkap a malbik mi 3 an thi ih hriamhma ngahtu an tam zat thu theih a si.
Cuvek thotho in Myaing PDF zone 2 hotu ဗိုလ်မိုးကား hruaimi pawl cun November 22 zaanlam suimilam 2:30 hrawngah Myaing – Linkațaw lamzin ih Linkațae palik zung hotu tei’ nupa ih thlunmi ralkap motor cu bomb 6 thawn an rak do ih Linkațaw palik zung hotu te’i nupa cu hriamhma nasazet an ngah tiah theih a si.
