Rangon khawpi သင်္ကန်းကျွန်း ih nupi ṭhit puai tuahnak hmun ah Bomb a puak i mi 3 an thi
Tuisun, May 25, sun dir hrawngah Yangon khawpi သင်္ကန်းကျွန်းမြို့နယ် (က)ရပ်ကွက် Phungki tlawng hmai ih inn pakhat ih nupi ṭhiat puai an tuah rero lai ah Parcel Bomb a puak ciamco i Mo telin mi pa 3 an thi tiah vengsung mi cun an sim. Bomb hi လက်ဖွဲ့ an pekmi sungih rak ummi a si, caan serh an hman rero lai hrawngah a puak. Mo hi a kut parh thluh ih sizung ah fehpi a si nan, sizung ah a va thi.
A dang mi pahnih cu a hmun ah an thi, tutiang ahcun mithi pa 3 lawng theihfiang a si, hriamhma tuar an tam zetih hriamhma tuar pawl lakah be zet zet khal an um, tiin vengsung mi cun a sim. Hi thil a can le veten Ralkap le Palik tampi a hmun ah an ra thleng cih, kiangkap lamzin pawl khal an phit i, an check kual nasa, ti a si. Hi parcel bomb puahtu hi zo an si timi theih a si hrih lo.